កំហឹងពុះកញ្រ្ជោលរបស់ពលរដ្ឋអាមេរិកំាងស្បែកខ្មៅប្រឆំាងនឹងនិទ័ណ្ឌភាពរបស់ប៉ូលិសស្បែក ស
នៅសហរដ្ឋអាមេរិក មានពលរដ្ឋអាមេរិកំាងកាន់តែច្រើនឡើងៗ ពិសេសសហគមន៍ស្បែកខ្មៅបាននំាគ្នាបន្តធ្វើបាតុកម្មប្រឆំាងនឹងនិទ័ណ្ឌភាពរបស់ប៉ូលិសស្បែក ស នៅក្នុងការស្លាប់របស់ប្រជាជនស្បែកខ្មៅជាបន្តបន្ទាប់នារយៈពេលចុងក្រោយនេះ។ ក្បួនបាតុកម្មត្រូវបានរៀបចំនៅសឹងតែគ្រប់ទីកន្លែងទំាងអស់ក្នុងទឹកដីអាមេរិកំាង តំាងពីទីក្រុង Chicago Boston Philadelphie រហូតដល់ទីក្រុង Baltimore ស្ថិតក្នុងរដ្ឋ Maryland។ ពួកបាតុករបានបរិហារលើទង្វើរបស់ប៉ូលិស ក៏ដូចជាប្រព័ន្ធតុលាការទូទៅ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៦
គឺនៅក្នុងទីក្រុងញូយ៉កដែលក្បួនបាតុកម្មមានទំហំធំ និងកំហឹងរបស់ពួកបាតុករមានកំដៅខ្លំាងជាងនៅក្នុងទីក្រុងផ្សេងទៀត ដោយកម្លំាងប៉ូលិសបានធ្វើការឃាត់ខ្លួនមនុស្សជាង ២០០នាក់នៅយប់ថ្ងៃសុក ទី៥ វិច្ឆិកា។ ពួកគេបាននំាគ្នាចុះផ្លូវធ្វើបាតុកម្មក្នុងថ្ងៃបុណ្យសពយុវជនស្បែកខ្មៅម្នាក់ទៀតឈ្មោះ Eric Garner ដែលបានស្លាប់ដោយត្រូវគ្រាប់កំាភ្លើងប៉ូលិសស្បែកស កាលពី ១០ថ្ងៃមុន។ មានអាយុ ២៨ឆ្នំា យុវជន Eric Garner បានរងគ្រោះស្លាប់ដោយត្រូវគ្រាប់កំាភ្លើងមិនដឹងខ្លួននៅក្នុងជណ្តើរអាគារមួយដោយស្ថិតក្នុងសង្កាត់ Brooklyn នៃក្រុងញូយ៉ក។ គឺជាគ្រាប់កំាភ្លើងដែលប៉ូលិសស្បែក សបានសារភាពថា ខ្លួនបានបាញ់ច្រឡំ។ តែដើម្បីរំងាប់ភាពក្តៅក្រហាយរបស់ហ្វូងបាតុករ រដ្ឋមន្រ្តីក្រសួងយុត្តិធម៌ Eric Holder បានសន្យាបើកការស៊ើបអង្កេតជាលក្ខណៈជាតិដើម្បីស្វែងរកការពិតជុំវិញមរណៈភាពរបស់យុវជន Eric Garner ពិសេសដើម្បីចង់ដឹងថា តើការស្លាប់យុវជន Eric Garner មានជាប់ពាក់ព័ន្ធនឹងទង្វើប្រកាន់ពូជសាសន៍ ឬក៏អត់។ តែអ្វីដែលគេដឹង សមត្ថភាពរបស់តុលាការអាមេរិកំាងនៅក្នុងសំណុំរឿងប្រកាន់ពូជសាសន៍កំពុងបន្តចោទជាបញ្ហាជានិច្ច។
ជាក់ស្តែង នៅក្នុងសំណុំរឿងនៃការបាញ់សម្លាប់យុវជនស្បែក ខ្មៅម្នាក់ឈ្មោះ Trayvon Martin ដោយអ្នកជិតខាងស្បែក សកាលពី ២ឆ្នំាមុននៅ Miami តុលាការនៅមិនទាន់បានចាត់វិធានការអ្វីទំាងអស់ ឬឯការស៊ើបអង្កេតនៅក្នុងរឿងនេះ ក៏មិនដឹងមានដំណើរការដល់ណានោះទេ។ ឥឡូវនេះទៀត ការបាញ់ ឬមួយក៏ការតាមឈ្លានីសលើជនស្បែកខ្មៅពីសំណាក់ប៉ូលិសស្បែកសកំពុងក្លាយជារឿងអាស្រូវយ៉ាងផុសផុលនៅទូទំាងសហរដ្ឋអាមេរិក។ តើវាជារឿងប្រកាន់ពូជសាសន៍ ឬមួយក៏កង្វះការទុកចិត្តគ្នារវាងស្ថាប័នប៉ូលិស និងពលរដ្ឋអាមរិកំាងទូទៅ ពិសេសពួកស្បែកខ្មៅ?
នេះជាសំណួរមួយដែលលោកប្រធានាធិបតីអាមេរិកអូបាម៉ាបានសន្យាពង្រឹងឲ្យមានទំនុកទុកចិត្តគ្នាឡើងវិញរវាងកម្លំាងសន្តិសុខ និងពលរដ្ឋអាមេរិកំាងគ្រប់ពណ៌សម្បុរទំាងអស់។ ទន្ទឹមគ្នានេះ ក៏មានការអំពាវនាវឲ្យធ្វើកំណែទម្រង់លើស្ថាប័នប៉ូលិស ពិសេសបំពាក់កំាមេរ៉ាលើឯកសណ្ធានប៉ូលិសដើម្បីថតនូវរាល់បេសកកម្មរបស់បូលិសម្នាក់ៗនៅកន្លែងសាធារណៈ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ