រដ្ឋាភិបាលបញ្ជាក់ជាថ្មីម្តងទៀតឧត្តមានុភាពនៃកងទ័ព
រដ្ឋាភិបាលភូមាដែលបានឡើងកាន់អំណាចនៅក្នុងប្រទេសតំាងពី ខែមីនា២០១១ បន្ទាប់ពីបានរំលាយរបបសឹករបស់ខ្លួនរួចមក បានសំដែងអបអរសាទរនៅថ្ងៃពុធ៤មករា២០១២ តួនាទីរបស់កងទ័ពភូមានៅក្នុងកំណែទម្រង់នយោបាយនាពេលថ្មីៗនេះ និងបានបញ្ជាក់ជាថ្មីម្តងទៀតនូវភាពដ៏ឧត្តមបំផុតរបស់ខ្លួន នៅក្នុងកិច្ចការដឹកនាំរបស់រដ្ឋ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៤៥
នៅឱកាសថ្លែងសុន្ទរកថាមួយអានក្នុងនាមរបស់លោកប្រធានាធិបតីភូមានៅថ្ងៃបុណ្យឯករាជ្យជាតិភូមាថ្ងៃទី ៤មករា ២០១២ នេះ លោក ថេនសេន ប្រធានាធិបតីនិងជាអតីតឧត្តមសេនីយ បានសំដែងការកោតសរសើរចំពោះឥទ្ធិពលដ៏ខ្លាំងក្លាបំផុតនៃកងទ័ពភូមាជាភាសាភូមាហៅថា ”Tatmadaw" ដែលបាន ដឹកនាំប្រទេសភូមាដោយកណ្តាប់ដៃដែកអស់ពាក់កណ្តាលសតវត្សរ៍មកហើយ។
សុន្ទរកថារបស់ប្រធានាធិបតីថេនសេនដែលអានដោយលោក Sai Mauk Kham អនុប្រធានាធិបតីភូមា បានបន្ថែមទៀតថា “គឺ Tatmadaw »នេះហើយដែលបានដឹកនាំប្រទេសជាតិដើម្បីកសាងសន្តិភាពទំនើបមួយប្រកបដោយការរីកចំរើននិងប្រជាធិបតេយ្យ »។
« កងទ័ពបានចាប់ផ្តើមធ្វើមួយជំហានម្តងៗដើម្បីចាត់វិធានការនានា សម្រាប់សរសេរចងក្រងរដ្ឋធម្មនុញ្ញមួយ ក្នុងគោលដៅអនុវត្តលទ្ធិប្រជាធិបតេយ្យពហុបក្សមួយ » នេះជាការថ្លែងបន្ថែមរបស់លោកប្រធានាធិបតី ដោយបានលើកឡើងដែរអំពី ផែនទីចង្អុលផ្លូវឆ្ពោះទៅរកលទ្ធិប្រជាធិបតេយ្យមួយប្រកបដោយវិន័យ »ដែលបានដាក់ឲ្យប្រើប្រាស់តាំងពីឆ្នាំ ២០០៣មកម៉្លេះ នឹងដែលបានសំរេចឈានដល់ការបោះឆ្នោតសភាមួយ នៅឆ្នាំ២០១០។
ជាប្រពៃណី នៅឱកាសបុណ្យឯករាជ្យជាតិម្តងៗ របបសឹកភូមាតែងតែ ធ្វើការបរិហារដៀលត្មះ អំពី « អាណានិគមនិយម»។ លោកថេនសេន បានទាញយកមួយផ្នែកតូចនៃសុន្ទរកថាខាងលើនេះដែរ ដោយបានសង្កត់ធ្ងន់ជាពិសេសទៅលើតួនាទីដ៏ចំបងដែលរក្សាទុកសំរាប់កងទ័ព បើទោះបីជារដ្ឋាភិបាលភូមាសព្វថ្ងៃមានឈ្មោះថាជារដ្ឋាភិបាលស៊ីវិលក្តី »។
នៅចំពោះមុខរដ្ឋមន្ត្រីនិងមន្ត្រីជាន់ខ្ពស់ចំនួន ៣០០០នាក់ដែលរួមប្រជុំគ្នានៅរដ្ឋធានី Naypyidaw សុន្ទរកថា លោកថេនសេន បានបញ្ជាក់ទៀតថា « កងទ័ពភូមាឬ Tatmadawដែលឆ្លើយតបតាមខ្នាតអន្តរជាតិ មានតួនាទីដ៏ចាំបាច់សំរាប់ការពារជាតិ- ហើយការចូលរួមរបស់ប្រជាពលរដ្ឋ-គឺជាការ ចាំបាច់បំផុតសំរាប់បង្កើតTatmadaw មួយដែលខ្លាំង- ស្នេហាមាតុភូមិនិងមានសមត្ថភាព។ ទន្ទឹមនេះ-ដែរ- លោកប្រធានាធិបតីភូមា បានលើកទិតៀនជាថ្មីអំពី “ភាពវឹកវរនៅភូមា ដោយហេតុចលនាបះបោរនិស្សិតនៅឆ្នាំ ១៩៨៨ ដែលជំរុញឲ្យភូមាធ្លាក់ក្នុងវិនាសកម្ម “តែលោកពុំបានលើកនិយាយមួយម៉ាត់ទាល់តែសោះ អំពី របៀបគ្រប់គ្រងរបស់លោក Newinដែលធ្វើឲ្យសេដ្ឋកិច្ចភូមា ធ្លាក់ចុះហិនហោច ។
គួររំលឹកថា “ការវាយបង្ក្រាបយ៉ាងហិង្សា របស់យោធាភូមាទៅលើចលនាបះបោរនិសិ្សតនៅឆ្នាំ១៩៨៨ បានជំរុញឲ្យមានឲ្យមនុស្សស្លាប់ចំនួន៣០០០នាក់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ