អាហ្វហ្កានីស្ថានចង្អុលមុខក្រសួងស៊ើបការសម្ងាត់បរទេសថា ជាអ្នកនៅពីក្រោយការវាយប្រហារប្រឆំាងសណ្ឋាគារសេរឺណា
នៅថ្ងៃអាទិត្យ ទី២៣ មីនា រដ្ឋាភិបាលទីក្រុងកាប៊ូលក្នុងប្រទេសអាហ្វហ្កានីស្ថានបានចោទក្រសួងស៊ើបការសម្ងាត់បរទេសពីបទនៅពីក្រោយការវាយប្រហារប្រឆំាងនឹងសណ្ឋាគារសេរឺណាក្នុងទីក្រុងកាប៊ូលកាលពីថ្ងៃព្រហស្បតិ៍ ទី២០ មីនាកន្លងទៅ ដោយបានបណ្តាលឲ្យមានមនុស្សស្លាប់ ៩នាក់ ក្នុងនោះមានអ្នកកាសែត AFP ម្នាក់។ ទោះបីជាទីក្រុងកាប៊ូលមិនបានចង្អុលមុខចំប្រទេសណាមួយក៏ដោយ ក៏គេអាចដឹងថា ប្រហែលជាចង់ទម្លាក់កំហុសដាក់ប្រទេសប៉ាគីស្ថានជិតខាង។
ចុះផ្សាយនៅថ្ងៃ៖ កែប្រែថ្ងៃទី៖
« ការវិភាគដោយផ្អែកលើទិន្នន័យបានមកពីសាក្សី ព្រមទំាងព័ត៌មានដំបូងរបស់ក្រុមស៊ើបអង្កេតអាហ្វហ្កានីស្ថានបានបង្ហាញឲ្យឃើញថា ការវាយប្រហារនោះត្រូវបានរៀបចំ និងបញ្ជាដោយផ្ទាល់ពីក្រសួងស៊ើបការបរទេស » នេះជាការបញ្ជាក់របស់វិមានប្រធានាធិបតីអាហ្វហ្កានីស្ថាននៅក្នុងសេចក្តីជូនដំណឹងមួយ។ ដោយផ្អែកលើព័ត៌មានផ្តល់ដោយក្រសួងស៊ើបការសម្ងាត់អាហ្វហ្កានីស្ថាន ទីក្រុងកាប៊ូលបានបញ្ជាក់ថា មានអ្នកកាទូតប៉ាគីស្ថានម្នាក់បានមកសណ្ឋាគារសេរឺតានាពេលថ្មីៗនេះដើម្បីជួលបន្ទប់កីឡារបស់សណ្ឋាគារ ព្រមទំាងបានឆ្លៀតថតរូបនៅបរិវេណខាងក្នុងរបស់សណ្ឋាគារទៀតផង។
សូមជម្រាបជូនថា សណ្ឋាគារសេរឺតាជាសណ្ឋាគារដ៏ទំនើបផុតលេខនៅក្នុងទីក្រុងកាប៊ូល ប្រទេសអាហ្វហ្កានីស្ថាន និងដែលទើបបានទទួលរងការវាយប្រហារកាលពីថ្ងៃព្រហស្បតិ៍ ទី២០ មីនាកន្លងទៅ ដោយបានបណ្តាលឲ្យមានមនុស្សស្លាប់ ៩នាក់ក្នុងនោះមានអ្នកកាសែត AFP ម្នាក់។ ការវាយប្រហារនោះបានកើតមានឡើង ២សប្តាហ៍មុនការរៀបចំបោះឆ្នោតជ្រើសរើសប្រធានាធិបតីថ្មីអាហ្វហ្កានីស្ថាន។ ភ្លាមៗ ក្រុមឧទ្ទាមតាលីបង់ដែលគេស្គាល់ថា ជាមេភ្លើងបង្កភេរវកម្មប្រឆំាងនឹងរដ្ឋាភិបាលក្រុងកាប៊ូលតំាងពីឆ្នំា ២០០១ មកនោះ បានចេញមុខប្រកាសថា ជាស្នាដៃរបស់ខ្លួន។
តែលោកប្រធានាធិបតីអាហ្វហ្កានីស្ថានហាមីដ ការហ្សាយមិនសូវមានជំនឿប៉ុន្មានទេ ដោយផ្អែកលើការប្រកាសសារភាពរបស់ពួកឧទ្ទាមតាលីបង់ និងយុទ្ធសាស្រ្តនៃការវាយប្រហារដែលខុសប្លែកពីសព្វមួយដងរបស់ពួកឧទ្ទាម។ ការនិយាយយ៉ាងដូចនេះ មកពីលោកកាហ្សាយចង់ទម្លាក់កំហុសដាក់ប្រទេសប៉ាគីស្ថានជិតខាង។ គួររម្លឹកជូនថា ប៉ាគីស្ថាន ជាប្រទេសទីមួយដែលបានគំាទ្រពួកតាលីបង់ក្នុងពេលដែលពួកនេះកាន់អំណាចនៅអាហ្វហ្កានីស្ថានពីឆ្នំា ១៩៩៦ ដល់ឆ្នំា ២០០១។ តែនៅពេលធ្លាក់ពីអំណាចក្នុងឆ្នំា ២០០១ ពួកតាលីបង់ភាគច្រើនបានរត់ទៅជ្រកកោនក្នុងទឹកដីប៉ាគីស្ថាន។ អ៊ីចឹងហើយបានជាទីក្រុងកាប៉ូលតែងតែចោទទីក្រុងអ៊ីស្លាម៉ាបាតពីបទបានរៀបចំ និងបញ្ជាឲ្យមានអំពើភេរវកម្មក្នុងទឹកដីរបស់ខ្លួន។ គឺជាការចោទប្រកាន់មួយដែលប៉ាគីស្ថានតែងតែឆ្លើយបដិសេធជានិច្ច៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ