មហាសេដ្ឋីចិនម្នាក់ត្រូវបានគេប្រហារជីវិតពីបទដឹកនាំក្រុមបន Mafia
នៅក្នុងក្របខ័ណ្ឌយុទ្ធនាការប្រយុទ្ធប្រឆាំងអំពើពុករលួយរបស់រដ្ឋាភិបាលចិន- អ្នកទោសជាច្រើនរូបហើយ ត្រូវបានប្រហារជីវិត។ ជនរងគ្រោះថ្មីនៃយុទ្ធនាការនេះ គឺលោក លៀវ ហាន (Liu Han) មហាសេដ្ឋីចិនដ៏ល្បីឈ្មោះផ្នែកឧស្សាហកម្មអណ្តូងរ៉ែធ្យូងថ្ម ទើបត្រូវបានប្រហារជីវិតនៅថ្ងៃចន្ទ៩កុម្ភៈនេះ រូមទាំងប្អូនប្រុសLiu Wei និងអ្នកឃុបឃិត៣នាក់ផ្សេងទៀត។ អ្នកទោសទាំង៥រូបនេះ ត្រូវបានតុលាការចិននៅខេត្ត Hubei កាត់ទោសប្រហារជីវិតតាំងពីចុងខែឧសភាមុនពីបទ « បានរៀបចំក្រុមបន Mafia មួយនិងប្រព្រឹត្តអំពើឃាតកម្ម៕
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៩
ជាបុគ្គលដ៏ល្បីឈ្មោះខ្លាំងនៅក្នុងប្រទេស លោកលៀវ ហាន (Liu Han) ដឹកនាំក្រុមហ៊ុនឯកជនដ៏ធំមួយឈ្មោះ Hanlong groupe បង្កើតឡើងតាំងពីឆ្នាំ១៩៩៧ ដែលមានទាំងផ្នែកទេសចរ សំណង់ រហូតដល់ឧស្សហកម្មអណ្តូងរ៉ែ។មិនគ្រាន់តែល្បីឈ្មោះនៅក្នុងប្រទេសប៉ុណ្ណោះទេ លោក លៀវក៏មានកេរ្ត៍ឈ្មោះល្បីរន្ធឺនៅឯបរទេសដែរ។
នៅឆ្នាំ២០១១ លោក លៀវ បានចាប់ផ្តើមប្រកាសស្នើទិញពីក្រុមហ៊ុនអណ្តូងរ៉ែដ៏ធំមួយរបស់ australie ឈ្មោះ « Sundance Ressources»ដែលមានទឹកប្រាក់ជិត១ពាន់លានអ៊ឺរ៉ូ។ ប៉ុន្តែប្រតិបត្តិការនេះ ត្រូវបានអាក់ខានទៅវិញនៅឆ្នាំ២០១៣ ដោយសារតែ មហាសេដ្ឋីចិននេះ ពុំអាចប្រគល់គម្រោងហិររញ្ញប្បនទានមួយឲ្យដល់ក្រុមហ៊ុនអូស្ត្រាលី។
នៅពេលនោះហើយ ដែលសាព័ត៌មានចិន បានចុះផ្សាយដំណឹងបញ្ជាក់ថា”លោក លៀវ ហាន ត្រូវបានចាប់ខ្លួនដាក់ពន្ធនាគារពីបទ “លាងលុយ នៅតាម casinos នានានៅ ក្រុង Macao”។
ក្រុម បន Mafia របស់បង-ប្អូនលៀវ ក៏ត្រូវជាប់ចោទពីបទបានប្រព្រឹត្តអំពើឃាតកម្មដែរទៅលើជនយ៉ាងតិច៨នាក់នៅខេត្តស៊ីជាន់( SiChun )ប៉ែកនិរតីនៃប្រទេសចិន។
នៅស៊ីជាន់នេះ លោក Zhou Yongkang ដែលជាអតីតមេប៉ូលីសតាំងពីឆ្នាំ២០០២-ដល់២០១២ ត្រូវបានគេដកចេញពីមុខតំណែងកាលពីខែកក្កដាឆ្នាំទៅមិញនិងត្រូវស្ថិតនៅក្រោមការស៊ើបអង្កេតរបស់តុលាការចិនដែរពីបទប្រព្រឹត្តអំពើពុករលួយ។
គួររំលឹកថា សាព័ត៌មានចិនជាច្រើន ធ្លាប់បានបង្ហើបឲ្យដឹងដែរថា លោក លៀវនេះ ធ្លាប់មានទំនាក់ទំនងជាមួយអ្នកទទួលខុសត្រូវសំខាន់ៗនៅក្នុងរដ្ឋាភិបាលជាន់ខ្ពស់ចិននិងបានទទួលកិច្ចការពារសុវត្តិភាពជាន់ខ្ពស់សំរាប់រូបលោកផ្ទាល់ដែរ។ ហើយនៅថ្ងៃនេះ លោកលៀវហាន ព្រមទាំងប្អូនប្រុសឈ្មោះ Liu Wei និង អ្នកឃុបឃិត៣នាក់ផ្សេងទៀតត្រូវបានគេប្រហារជីវិត ពីបទបានដឹកនាំក្រុមបន Mafia និងប្រព្រឹត្តអំពើឃាតកម្ម៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ