ព្យុងយ៉ាងប្រហែលជាកំពុងចាប់ផ្តើមសកម្មភាពមាស៊ីនប្រតិកម្មនុយក្លេអ៊ែរជាថ្មី
តើកូរ៉េខាងជើងកំពុងតែរៀបចំធ្វើអ្វី? យោងតាមរូបភាពថតដោយផ្កាយរណបអាមរិកនាពេលថ្មីៗនេះ បានបង្ហាញឲ្យដឹងថា កូរ៉េខាងជើងប្រហែលជាកំពុងចាប់ផ្តើមដាក់ឲ្យដំណើរឡើងវិញនូវម៉ាស៊ីនប្រតិកម្មនុយក្លេអ៊ែរមួយរបស់ខ្លួន។ ម៉ាស៊ីននុយក្លេអ៊ែរដែលជាប្រភពដ៏សំខាន់សំរាប់ការផលិតធាតុភ្លុយតូនីញ៉ូមដើម្បីបំរើដល់វិស័យយោធារបស់កូរ៉េខាងជើង-នេះជាសេចក្តីថ្លែងបញ្ជាក់របស់ក្រុមអ្នកជំនាញអាមេរិកនៅថ្ងៃព្រហស្បតិ៍នេះ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៣
យោងតាមអ្នកស្រាវជ្រាវអាមេរិក”កូរ៉េខាងជើង កំពុងចាប់ផ្តើមដាក់ឲ្យដំណើរការម៉ាស៊ីនប្រតិកម្មនុយក្លេអ៊ែរនៅមជ្ឈមណ្ឌលនុយក្លេអ៊ែរយុងប៊ីយុនជាថ្មីឡើងវិញ ។ ម៉ាស៊ីនប្រតិកម្មនុយក្លេអ៊ែរនេះ អាចនឹងផលិតភ្លុយតូនីញ៉ូមបានប្រមាណជា ៦ kilogrammes ក្នុងមួយឆ្នាំៗ។
យោងតាមការវាយតម្លៃរបស់ក្រុមអ្នកជំនាញអាមេរិក បរិមាណ ភ្លុយតូនីញ៉ូមនេះ ជាបរិមាណគ្រប់គ្រាន់ដែលអនុញ្ញាតឲ្យកូរ៉េខាងជើង អាចផលិតគ្រាប់បែកនុយក្លេអ៊ែរបានមួយគ្រាប់។ កូរ៉េខាងជើងធ្លាប់បានបាញ់សាកល្បងអាវុធនុយក្លេអ៊ែរចំនួន៣លើកមកហើយ ហើយការបាញ់សាកល្បងលើកចុងក្រោយគេ គឺធ្វើឡើងនៅខែកុម្ភះឆ្នាំ២០០១៣។ នាពេលថ្មីៗនេះ កូរ៉េខាងជើង បានគំរាមដែរថានឹងបាញ់សាកល្បងអាវុធនុយក្លេអ៊ែរលើកទី៤ទៀត។
ចំណែក រូបភាពផ្កាយរណបអាមេរិកចុងក្រោយគេ ក៏បានបង្ហាញដែរថា កម្មវិធីផលិតអាវុធនុយក្លេអ៊ែរកូរ៉េខាងជើងនៅមជ្ឈមណ្ឌលយុងប៊ីយុននៅតែមានសកម្មភាព។ ក៏ប៉ុន្តែ គេនៅតែពុំទាន់អាចកំណត់បានថា “តើនៅពេលណា ដែលរោងចក្រនុយក្លេអ៊ែរកូរ៉េខាងជើងនេះ នឹងមានសកម្មភាពយ៉ាងពេញទំហឹងនោះទេ នេះជាយោបល់របស់អ្នកជំនាញអាមេរិកនិងកូរ៉េនៅសកលវិទ្យាល័យ Johns Hopkins។
សូមបញ្ចាក់ថា ម៉ាស៊ីនប្រតិកម្មនុយក្លេអ៊ែរនៅយុងប៊ីយុន ធ្លាប់បានបិទតាំងពីឆ្នាំ២០០៧នៅក្នុងក្របខណ្ឌមួយដើម្បីជាថ្នូរនឹងជំនួយគ្មានអាវុធពីសហគមន៍អន្តរជាតិ ក៏ប៉ុន្តែក្រោយពីបានបាញ់សាកល្បងអាវុធនុយក្លេអ៊ែរលើកចុងក្រោយរបស់ខ្លួននៅឆ្នាំ២០១៣មក កូរ៉េខាងជើងបានចាប់ផ្តើមការងារជួសជុលទីតាំងនុយក្លេអ៊ែររបស់ខ្លួនជាថ្មីឡើងវិញ។
គួររំលឹកថា កាលពីដើមខែមករានេះ-កូរ៉េខាងជើង ធ្លាប់បានសុំស្នើលើកផ្អាកការបាញ់សាកល្បងអាវុធនុយក្លេអ៊ែររបស់ខ្លួនជាថ្នូរនឹងការលើកផ្អាកសមយុទ្ធរវាងអាមេរិកនិងកូរ៉េខាងត្បូង។ក៏ប៉ុន្តែសំណើកូរ៉េខាងជើងនេះ ត្រូវបានទីក្រុងវ៉ាស៊ីនតោនបដិសេធ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ