ដំណោះស្រាយរួមព្រំដែនកម្ពុជា-ឡាវ នៅតែជាប់គាំង ខណៈព្រំដែនកម្ពុជា-វៀតណាមកំពុងដំណើរការ
ការកំណត់ខណ្ឌសីមារវាងប្រទេសកម្ពុជាជាមួយប្រទេសជិតខាងជាពិសេសជាមួយឡាវ និងវៀតណាមដែលនៅសេសសល់ជាង១០%ចុងក្រោយ នៅមិនទាន់មានការវិវត្តន៍គួរឲ្យកត់សម្គាល់នៅឡើយ។ លោកស្រី កុយ ពិសី អនុប្រធានគណៈកម្មាធិការចម្រុះព្រំដែនកម្ពុជា ថ្លែងប្រាប់វិទ្យុបារាំង RFI នៅថ្ងៃនេះថា កម្ពុជា និងឡាវ នៅតែមិនទាន់ឈានទៅដល់ការឯកភាពគ្នាលើពង្រាងលក្ខខណ្ឌប្រតិបត្តិ(TOR) នៅឡើយទេ ដោយសារតែនៅមានទស្សនៈខុសគ្នា។ ក៏ប៉ុន្តែទោះក្នុងអំឡុងពេលវិបត្តិកូវីដក៏ដោយ ក៏គណៈកម្មការព្រំដែនកម្ពុជា បានបើកកិច្ចប្រជុំជាច្រើនលើកច្រើនសារតាមប្រព័ន្ធអនឡាញជាមួយភាគីឡាវ ដើម្បីទំលាយភាពជាប់គាំង ដែលនៅសេសសល់ជាង១០%។ ទោះយ៉ាងណាលោកស្រី កុយ ពិសី បង្ហាញសុទិដ្ឋិនិយមថាភាពជាប់គាំងនេះនឹងអាចបំបែកនៅថ្ងៃណាមួយ ដែលបញ្ហានេះទាមទារការចំណាយពេលវេលាបន្ថែមទៀត។
ចុះផ្សាយនៅថ្ងៃ៖
ស្តាប់ - ០២:៣៨
សូមស្តាប់ប្រសាសន៍ លោកស្រី កុយ ពិសី
សូមរំលឹកថា កាលពីឆ្នាំ២០១៩ នាយករដ្ឋមន្ត្រីកម្ពុជា-ឡាវ បានសរសេរលិខិតរួមគ្នាមួយទៅកាន់ប្រធានាធិបតីបារាំង ដោយមានគោលដៅពីរសំខាន់គឺទី១ ស្នើសុំបារាំងបញ្ចូនអ្នកជំនាញខាងគូសចម្លងផែនទីមកជួយគូសចម្លងផែនទី នៅតំបន់ដែលនៅសេសស់មិនទាន់ត្រូវគ្នាចំនួន១៤%។ និងចំណុចទី២ ភាគីទាំងពីរស្នើសុំផែនទីពីបារាំង។ សំណើរនេះត្រូវបានរដ្ឋាភិបាលបារាំងយល់ព្រមក៏ប៉ុន្តែភាគីកម្ពុជា-ឡាវ ត្រូវសម្របសម្រួលរកចំណុចរួមមួយសិនថាតើចង់ឲ្យបារាំងជួយយ៉ាងដូចម្តេច លើចំណុចអ្វីច្បាស់លាស់។ សូមបញ្ជាក់ដែរថាកម្ពុជាបានឯកភាពលើការកំណត់ខ្សែព្រំដែនជាមួយឡាវបាន៨៦% ក្នុងប្រវែងព្រំដែនសរុប៥៤០គីឡូម៉ែត្រ និង៨៤% ជាមួយវៀតណាមក្នុងប្រវែងព្រំដែនសរុប ១២៧០គីឡូម៉ែត្រ ហើយផ្នែកដែលនៅសេសសល់គណៈកម្មការព្រំដែនកំពុងដោះស្រាយបន្ត។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ