អ្នកស្រាវជ្រាវ៖ប្រជាជនកម្ពុជា៣០ភាគរយពឹងផ្អែកលើទន្លេមេគង្គ
ក្រសួងព័ត៌មាននៅថ្ងៃទី២៩មីនានេះបានរៀបចំវគ្គបណ្ដុះបណ្ដាលស្ដីពីតួនាទីសារព័ត៌មានក្រោមប្រធានបទទន្លេតែមួយ អនាគតតែមួយ ដោយពាក់ព័ន្ធនឹងកិច្ចសហប្រតិបត្តិការឡានឆាង-មេគង្គ។ វាគ្មិនដែលចូលរួមវគ្គបណ្ដុះបណ្ដាលនេះស្នើឲ្យអ្នកសារព័ត៌មាននៅកម្ពុជាចូលរួមទប់ស្កាត់រាល់ការចុះផ្សាយដំណឹងក្លែងក្លាយទាក់ទងកិច្ចសហប្រតិបត្តិការឡានឆាង-មេគង្គ។ សូមជម្រាបជូនថា កិច្ចសហប្រតិបត្តិការឡានឆាង-មេគង្គត្រូវបានបង្កើតឡើងនៅក្នុងឆ្នាំ២០១៦ដោយ មានការចូលរួមពីប្រទេសចំនួន៥ រួមមាន៖ មីយ៉ាន់ម៉ា ឡាវ ថៃ វៀតណាម កម្ពុជា។ នៅក្នុងបទបង្ហាញដោយឡែកលោកស្រី ម៉ម សុផាលីណែត ទីប្រឹក្សាក្រសួងព័ត៌មាននិងជាអ្នកស្រាវជ្រាវបានឲ្យដឹងថា ប្រជាជនកម្ពុជា៣០ភាគរយពឹងផ្អែកលើទន្លេមេគង្គដែលប្រកបរបរកសិកម្មនិងនេសាទ ហើយប្រយោជន៍ដែលប្រជាជនកម្ពុជាទទួលបានពីកិច្ចសហប្រតិបត្តិការឡានឆាង-មេគង្គទៀតនោះ គឺកាត់បន្ថយការធ្វើចំណាកស្រុកផង។
ចុះផ្សាយនៅថ្ងៃ៖
សូមស្ដាប់ការលើកឡើងរបស់ លោកស្រី ម៉ម សុផាលីណែត៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ