តៃវ៉ាន់៖ យន្តហោះចម្បាំងប្រមាណ ៧០ គ្រឿង និងនាវាយោធាចិន ១០ គ្រឿង ខិតកៀកក្បែរកោះតៃវ៉ាន់
តៃវ៉ាន់ ប្រកាសឲ្យដឹងថា គ្រាន់តែ ២ថ្ងៃ ពុធនិងព្រហស្បតិ៍ សប្តាហ៍នេះ យ៉ាងហោច យន្តហោះចម្បាំងចិន ចំនួន ៦៨ គ្រឿង និងនាវាយោធាចិន ១០ គ្រឿង បានខិតចូលមកកៀកក្បែរកោះរបស់ខ្លួន។ គ្រឿងចម្បាំងទាំងនេះ បានធ្វើដំណើរសំដៅទៅរក នាវាផ្ទុកយន្តហោះ សាន់ដុង (Shandong) ដើម្បីចូលរួមសមយុទ្ធលើសមុទ្រ។ នាវាធំ សាន់ដុង នេះ ឋិតនៅចម្ងាយតែ១១១គីឡូម៉ែត្រប៉ុណ្ណោះ ពីដីកោះតៃវ៉ាន។ នេះបើតាមក្រសួងការពារជាតិរបស់ក្រុងតៃប៉ិ។
ចុះផ្សាយនៅថ្ងៃ៖
ស្តាប់ - ០១:៥៧
មិនចម្លែកទេ ខែមុន ក៏ដូចជាក្នុងខែនេះ ដែលចិនបញ្ចូនគ្រឿងចម្បាំងទៅក្បែរៗអែបៗនឹងកោះតៃវ៉ាន់។ អ្នកជំនាញកិច្ចការចិន អ្នកស្រី Bonnie Glaser ភូមិសាស្ត្រ-នយោបាយវិទូ នៅមណ្ឌមជ្ឈមស្រាវជ្រាវ German Marshall Fund នៅសហរដ្ឋអាមេរិក បានវិភាគប្រាប់ទីភ្នាក់ងារព័ត៌មានបារាំង AFP ថា រដ្ឋអំណាចចិន ប្រើគ្រប់មធ្យោបាយ និង គំរាមកំហែង និងដើម្បីត្រួតត្រា ដាច់ចង្កូត កោះតៃវ៉ាន់។
ចំណែកភាគីជប៉ុន ក្រសួងការពារជាតិរបស់ក្រុងតូក្យូ វិញ ក៏អះអាងអំពីដំណើរនាវាយោធានិងយន្តហោះច្បាំងចិនដែរ។ យោធាជប៉ុន បញ្ជាក់ទៀតថា យ៉ាងហោច មាននាវា ៦ គ្រឿង ជានាវាចម្បាំង ដែលមានសមត្ថភាពប្រឆាំងកម្ទេចនាវាផ្សេងទៀត។ វាកំពុងតែឋិតនៅខាងកើតកោះតៃវ៉ាន់។ ពីថ្ងៃពុធ គ្រឿងចម្បាំងចិនទាំងនោះ ក៏ឋិតចម្ងាយតែជាង៦០០គីឡីម៉ែត្រប៉ុណ្ណោះពីកោះ មីយ៉ាកូជីម៉ា របស់ជប៉ុន។
ចំពោះសំណុំរឿងនេះ ភាគីចិន រដ្ឋអំណាចក្រុងប៉េកាំង គ្មានបញ្ចេញការអ្វីទេ ក៏ប៉ុន្តែ កាលពីសប្តាហ៍មុន អ្នកនាំពាក្យក្រសួងការពារជាតិចិន បង្ហើបថា កងទ័ពយោធាចិន បានទទួលបញ្ជាឲ្យត្រៀមខ្លួន សម្រាប់ទប់ទល់ស្ថានការណ៍អាសន្ន។ នេះក៏ព្រោះតែ មាននាវាកងទ័ព របស់ សហរដ្ឋអាមេរិក និង យោធាកាណាដា ដែលធ្វើដំណើររួមគ្នា ឆ្លងកាត់កោះតៃវ៉ាន់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ