ពួកឧទ្ទាមកូឡុំប៊ីព្រមដោះលែងអ្នកកាសែតបារាំង Roméo Langlois
ក្រុមប្រតិភូកាកបាទក្រហម បានទៅទទួល លោក Roméo Langlois អ្នកឆ្លើយឆ្លងព័ត៌មានរបស់ទូរទស្សន៍ France 24 ដែលជាផ្នែកមួយនៃក្រុមហ៊ុនសោតទស្សន៍បារាំង ដូចវិទ្យុបារាំងអន្តរជាតិ RFIដែរ ដល់ភាគខាងត្បូងប្រទេសកូឡុំប៊ីផ្ទាល់តែម្តង។ ចាប់ខ្លួន និងធ្លាក់ជាចំណាប់ថ្នូររបស់ពួកឧទ្ទាមFARCកូឡុំប៊ី និងរបួសនៅដៃផង កាលពីដើមខែឧសភានេះ ទើបត្រូវបានពួកឧទ្ទាមយល់ព្រមដោះលែង យប់ម្សិលមិញ។ ហាក់មានសុខភាពមាំទាំល្អ លោក Roméo Langlois បានអះអាងថា ពួកឧទ្ទាមមើលការខុសត្រូវលើរូបលោកបានត្រឹមត្រូវ គ្មានការធ្វើទុក្ខទោស អ្វីទេ។ គ្រាន់តែបានសេរីភាព លោកបានបង្ហាញមោទនភាពចំពោះអាជីពជាអ្នកកាសែត ទោះបីមានគ្រោះថ្នាក់បន្តិច ប៉ុន្តែអ្វីដែលធ្វើគឺដើម្បីផ្តល់ព័ត៌មានស្តីអំពីស្ថានភាពនៅក្នុងប្រទេសកូឡុំប៊ី។ អ្នកឆ្លើយឆ្លងព័ត៌មានរបស់យើង បានធ្វើដំណើរទៅដល់ក្រុងBogota និងត្រឡប់មកដល់ប្រទេសបារាំងជួបជុំគ្រួសារ នៅចុងសប្តាហ៍នេះ។
ចុះផ្សាយនៅថ្ងៃ៖ កែប្រែថ្ងៃទី៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ