រដ្ឋាភិបាលបាងកកបន្តភាពអាសន្ននៅក្នុងខេត្ត ក្រុងរយៈពេល ៣ខែបន្ថែមទៀត
នៅថ្ងៃអង្គារ ទី៦ កក្កដានេះ រដ្ឋាភិបាលថៃបានប្រកាសពីការលើកភាពអាសន្នចេញពីខេត្តចំនួន ៥ តែបានពន្យាររយៈពេល ៣ខែបន្ថែមទៀត នៅក្នុងខេត្តចំនួន ១៨ និងទីក្រុងបាងកក។ សូមជម្រាបជូនថា ភាពអាសន្នដែលរដ្ឋាភិបាលក្រុងបាងកកបានប្រកាសដាក់នៅទូទំាងប្រទេស កាលពីថ្ងៃទី ៧ មេសាកន្លងទៅ បានធ្វើឡើង ក្រោយពីមានមហាបាតុកម្មរបស់ពួកអាវក្រហម។
ចុះផ្សាយនៅថ្ងៃ៖
សេចក្តីរាយការណ៍របស់ គួច គន្ធារ៉ា
ការប្រកាសពន្យារភាអាសន្នរយៈពេល ៣ខែបន្ថែមទៀត នៅក្នុងខេត្តចំនួន ១៨ និងទីក្រុងបាងកកពេលនេះបានធ្វើឡើង តាមសំណើរបស់អង្គការសម្របសម្រួលនៃកិច្ចសហប្រតិបត្តិការរក្សាសណ្តាប់ធា្នប់សង្គម ដែលត្រូវបានបង្កើតឡើងដោយរដ្ឋាភិបាលនៅចំពេលមានក្បួនបាតុកម្មរបស់ពួកអាវក្រហម។ ដំបូងឡើយ ការប្រកាសភាពអាសន្នត្រូវបានធ្វើឡើងទៅលើខេត្ត ក្រុងចំនួន២៤ នៅទូទំាងប្រទេស។ តែនៅថ្ងៃនេះ និងដោយយោងទៅលើស្ថានភាពជាក់ស្តែងនៅក្នុងខេត្តមួយចំនួន រដ្ឋាភិបាលក៏បានសម្រេចលើកភាពអាសន្នចេញពីខេត្តចំនួន ៥ ប៉ុណ្ណោះ។ យ៉ាងណាក៏ដោយ អ្នកនំាពាក្យរដ្ឋាភិបាលបានបញ្ជាក់ថា ប្រសិនបើមានសញ្ញានៃការងើបបះបោរណាមួយកើតមានជាថ្មី ភាពអាសន្ននឹងត្រូវប្រកាសដាក់ជាថ្មីនៅក្នុងខេត្តទំាង៥នោះ។
ច្បាប់ភាពអាសន្នបានហាមមិនឲ្យមានការជួបជុំគ្នាលើសពី ៥នាក់នៅតាមទីកន្លែងសាធារណៈ។ ច្បាប់ភាពអាសន្នបានប្រគល់អំណាចយ៉ាងធំធេងដល់កម្លំាងនគរបាល និងយោធា។
គួរជម្រាបជូនថាកាលពីម្សិលមិញអង្គការអន្តរជាតិដើម្បីបង្ការជម្លោះហៅកាត់ថាICG បានមើលឃើញថា ភាពអាសន្នដែលប្រកាសដាក់ដោយរដ្ឋាភិបាលថៃតំាងពី ៣ខែកន្លងមកនេះ ជាការរំលោភបំពានលើសិទ្ធិសេរីភាពក្នុងការបញ្ចេញមតិ ពិសេស ជាការដាក់គំនាបយ៉ាងធ្ងន់ធ្ងរទៅលើក្រុមអាវក្រហមតែម្តង។ នៅក្នុងរបាយការណ៍របស់ខ្លួន អង្គការICG បានជម្រុញឲ្យរដ្ឋាភិបាលរបស់លោក អាប់ភីស៊ីតលើកភាពអាសន្នចេញពីទូទំាងប្រទេស។ សម្រាប់អង្គការ ICG ច្បាប់ភាពអាសន្នដ៏តឹងរ៉ឹងនេះបាន និងកំពុងធ្វើឲ្យក្រុមអាវក្រហមកើតក្តីទោមនស្ស និងថែមទំាងជម្រុញពួកគេ ឲ្យធ្វើសកម្មភាពប្រឆាំងនឹងអាជ្ញាធរដោយលួចលាក់ទៅវិញ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ