អតីតមេដឹកនាំTepcoត្រូវតុលាការចោទប្រកាន់ពីបទធ្វេសប្រហែសនៅក្នុងវិបត្តិនុយក្លេអ៊ែរ
អតីតអ្នកដឹកនាំក្រុមហ៊ុនឋាមពលអគ្គិសនីTepco ៣រូបនឹងត្រូវតុលាការកោះហៅចូលសវនាការក្រោយពីមានពាក្យបណ្តឹងរបស់ពលរដ្ឋជប៉ុនចោទប្រកាន់ពីបទធ្វេសប្រហែសនៅលើការទទួលខុសត្រូវនៅក្នុងគ្រោះមហន្តរាយនៅ Fukushima កាលពីខែមីនាឆ្នាំ២០១១។ គឺជាលើកទីមួយដែរដែលតុលាការធ្វើការចោទប្រកាន់ទៅលើក្រុមអតីតមេដឹកនាំរបស់តេបកូនៅក្នុងវិបត្តិនុយក្លេអ៊ែរនេះ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១២
អតីតមេដឹកនាំ៣រូប នៃក្រុមហ៊ុនឋាមពលអគ្គីសនី Tepco ជំនាន់គ្រោះមហន្តរាយ មាន អតីតប្រធានក្រុមប្រឹក្សាភិបាលក្រុមហ៊ុន Tokyo Electric Power(Tepco)ម្នាក់អាយុ៧៥ឆ្នាំ និងអតីតអនុប្រធានក្រុមហ៊ុនពីររូបទៀត ដែលម្នាក់អាយុ ៦៥ឆ្នាំនិងម្នាក់ទៀតអាយុ៦៩ឆ្នាំ។ អតីតមេដឹកនាំក្រុមហ៊ុនតេបកូទាំង៣រូបនេះ ត្រូវតុលាការចោទប្រកាន់ពីបទធ្វេសប្រហែសក្នុងវិជ្ជាជីវៈ ដែលបានបណ្តាលឲ្យមានមនុស្សស្លាប់និងអ្នករងរបួស-នេះបើយោងតាមមេធាវីរបស់ដើមបណ្តឹង។
ម្យ៉ាងទៀតយោងតាមបណ្តាញទូរទស្សន៍រដ្ឋ NHK” គឺជាលើកទីមួយដែរដែលតុលាការនឹងត្រូវធ្វើសេចក្តីប្រកាសពិរុទ្ធភាពរបស់បុគ្គលម្នាក់នៅក្នុងហេតុការកើតឡើងដោយគ្រោះថ្នាក់នុយក្លេអ៊ែរនៅ Fukushima។
ក្រុមអតីតមេដឹកនាំ៣រួបនៃក្រុមហ៊ុនតេបកូ ត្រូវតុលាការចោទប្រកាន់ពីបទ” មិនបានចាត់វិធានការឲ្យបានសមស្រប ដើម្បីអាចបញ្ជៀសពីការខូតខាតឋបនកម្មដោយរលកយក្ខស៊ូណាមីក៏ព្រមទាំងការខូចអន្តរាយផ្សេងៗទៀតនៅមជ្ឈមណ្ឌលនុយក្លេអ៊ែរ។
ចំំណែក ពលរដ្ឋជប៉ុនមួយក្រុមដែលជាដើមបណ្តឹង ក៏បានធ្វើការស្តីបន្ទោសដល់អតីតមេដឹកនាំក្រុមហ៊ុនតេបកូដែរ ថា”ជាអ្នកទទួលខុសត្រូវលើមរណភាពរបស់អ្នកជម្ងឺចំនួន៤៤នាក់ដែលសុទ្ធសឹងជាជនជរានិងដែលត្រូវបានដឹកជម្លៀសចេញពីមន្ទីរពេទ្យមួយដែលស្ថិតនៅក្បែរមជ្ឍមណ្ឌលនុយក្លេអ៊ែរហ្វូគូស្ហ៊ីម៉ា នៅក្នុងស្ថានភាពដ៏យ៉ាប់យឺនក្រៃលែង។
មិនតែប៉ុណ្ណោះ ក្រុមដើមបណ្តឹង ថែមទាំងបានទម្លាក់ទោសផងដែរទៅលើក្រុមហ៊ុនតេបកូ ក្នុងការធ្វើមនុស្សចំនួន១៣នាក់ផ្សេងទៀតរងរបួស។
គួររំលឹកថានៅក្នុងហេតុការណ៍ប្តឹងប្តល់ក្រុមហ៊ុនតេបកូ កាលពីឆ្នាំ២០០១៥ តុលាការជប៉ុនបានវាយតម្លៃថាថា” តុលាការ នៅពុំទាន់អាចចោទប្រកាន់លើមេដឹកនាំតេបកូបាននៅឡើយទេ ដោយសារតែគេពុំទាន់ប្រមូលបានភស្តុតាងគ្រប់គ្រាន់”។ តែនៅទីបំផុតទៅ ក្រុមដើមបណ្តឹងដែលជាពលរដ្ឋជប៉ុន បានទទួលជោគជ័យ ក្រោយបន្ទាប់ពីបានតស៊ូអស់រយៈពេលយ៉ាងយូរជាមួយតុលាការរួចមក៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ