ភេរវកម្មបំផ្ទុះគ្រាប់បែកក្នុងរថយន្តនៅកាប៊ូលបានសម្លាប់ជីវិតកុមារម្នាក់និងបណ្តាលអោយមានអ្នករងរបួស២២នាក់
នៅអាហ្វហ្កានីស្ថាន កាលពីព្រឹកថ្ងៃសុក្រម្សិលមិញ អំពើភេរវកម្មបំផ្ទុះគ្រាប់បែកក្នុងរថយន្តមួយគ្រឿងដែលសំដៅប្រឆាំងទៅលើក្បួនរថយន្តរបស់ស្ថានទូតអូស្ត្រាលីនៅភាគខាងកើតទីក្រុងកាប៊ូល បានសម្លាប់ជីវិតកុមារម្នាក់អាយុ១២ឆ្នាំនិងក៏បណ្តាលឲ្យមានអ្នករងរបួស២២នាក់ផ្សេងទៀត ដែលសុទ្ធស៊ឹងជាពលរដ្ឋអាហ្វហ្កានីស្ថាន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៤១
ភេរវកម្មបំផ្ទុះគ្រាប់បែកក្នុងរថយន្ត ប្រឆាំងនឹងក្បួនរថយន្តនៃស្ថានទូតអូស្ត្រាលីនៅព្រឹកថ្ងៃសុក្រម្សិលមិញក្នុងទីក្រុងកាប៊ូលប្រទេសអាហ្វហ្កានីស្ថាន បើយោងតាមសេចក្តីជូនដំណឹងមួយរបស់ក្រសួងការបរទេសអូស្ត្រាលីនៅលើគេហទំព័ររបស់ខ្លួន ពុំបានបណ្តាលអោយមានក្រុមបុគ្គលិកស្ថានទូតអូស្តា្រលីណាមួយរងគ្រោះថ្នាក់នោះទេ។
ជាអំពើភេរវកម្មមួយដែលពុំទាន់មានខាងក្រុមណាមួយប្រកាសថាជាស្នាដៃរបស់ខ្លួននៅឡើយទេរហូតមកទល់ពេលរសៀលម្សិលមិញ។ លោក Najib Danish អ្នកនាំពាក្យក្រសួងមហាផ្ទៃអាហ្វហ្កានីស្ថាន បានអះអាងប្រាប់ថា ”យាន្តអត្តឃាតដែលវាយប្រហារទៅលើក្បួនរថយន្តរបស់ក្ងងកម្លាំងបរទេស បានធ្វើអោយឲ្យមានការខូចខាតជាទម្ងន់នៅសង្កាត់មួយក្នុងខាងកើតនៃទីក្រុងកាប៊ូល ជាពិសេសការបាត់បង់ជីវិតកុមារម្នាក់អាយុ១២ឆ្នាំនឹងក៏បណ្តាលអោយមានអ្នករងរបួស ២២នាក់ផ្សេងទៀតដែលសុទ្ធស៊ឹងជាពលរដ្ឋអាហ្វហ្កានីស្ថាន។
ភ្លាមៗនោះ រដ្ឋាភិបាលអូស្រ្តាលី បានសម្តែងការអាណិតអាសូរចំពោះក្រុមគ្រួសារនៃជនរងគ្រោះដែលត្រូវស្លាប់និងរងរបួសនៅក្នុងភេរវកម្មនេះ។បើតាមប្រភពច្បាស់លាស់មួយនៅទីក្រុងកាប៊ូល រថយន្តនានា របស់ស្ថានទូតអូស្រ្តាលីនោះ បានធ្វើការដឹកជញ្ជូនពួកបុគ្គលឹកស្ថានទូតដែលរស់នៅក្នុងមណ្ឌលមួយដែលប្រកបដោយសុវត្ថិភាព។
ចំណែកទីស្នាក់ការរបស់អង្គការអូតង់វិញ បានប្រាប់ដល់ទីភ្នាក់ងារព័ត៌មានបារាំង AFP ដែរថា ខាងកងទ័ពអូតង់ វិញ ក៏ពុំមានអ្នករងរបួសទេនៅក្នុងហេតុការណ៍ខាងលើនេះ។ ភេរវកម្មបំផ្ទុះគ្រាប់បែកក្នុងរថយន្តនេះ បានបន្សល់ទុកកំទេចកំទីនៃយាន្តអត្តឃាតយ៉ាងសម្បើម ក៏ព្រមទាំងការខូចខាតជាទម្ងន់ដែរនៅទីអគារលំនៅស្ថាន របស់ប្រជាជន ដែលស្ថិតនៅទីនោះដោយសារឥទ្ធិពលនៃការផ្ទុះគ្រាប់បែកវាខ្លាំងក្លាពេក។
គឺជាឧប្បត្តិហេតុហិង្សាលើកទីមួយដែលបានកើតឡើងនៅក្រុងកាប៊ូលដែលសំដៅប្រឆាំងទៅលើជនបរទេស ចាប់តាំងពីលោកប្រធានាធិបតីអាហ្វហ្កានីស្ថាន Ashraf Ghani បានធ្វើសំណើសន្តិភាពមួយកាលពីថ្ងៃពុធមុន ដើម្បីអោយ ពួកឧទ្ទាមអ៊ីស្លាមតាលីបង់ អាចក្លាយទៅជាបក្សនយោបាយមួយនៅក្នុងប្រទេស។
ផែនការសន្តិភាពរបស់ប្រធានាធិបតីអាហ្វហ្កានីស្ថាននេះ គឺមានគោលដៅដើម្បីបិទបញ្ចប់សង្គ្រាមជាមួយពួកតាលីបង់ដែលមានរយៈពេល១៧ឆ្នាំកន្លងមកហើយ។ រីឯពួកតាលីបង់វិញ ភ្លាមៗនោះក៏បានស្វាគមន៍ចំពោះសំណើរសន្តិភាពនេះ តែពួកនេះ នៅតែចាត់ទុករដ្ឋអំណាចអាហ្វហ្កានីស្ថានថាជារដ្ឋអំណាចពុំស្របច្បាប់ទេ ដោយហេតុថា នៅមុនសំណើរសន្តិភាពនេះ ពួកតាលីបង់ បានស្នើការចរចាដោយផ្ទាល់ជាមួយអាមេរិក។
គួររំលឹកថាយោធាបរទេសជាង១ម៉ឺន៦០០០នាក់បានដាក់ពង្រាយនៅអាហ្វហ្កានីស្ថានក្រោមអណត្តិរបស់អង្គការអូតង់និងធ្វើប្រតិបត្តិការដើម្បីប្រយុទ្ធប្រឆាំងទល់នឹងភេរវនិយមនៅក្នុងប្រទេសនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ